少女心爆發的「夢幻之願」下午茶
雖然我地一班姐妹們都已經升級做左媽媽,多功能老婆同師奶。由少女變左多功能人妻，但真係好需要多Ｄ約班朋友仔出黎，呻下，放鬆下，最重要的是，要好好聆聽自己，重視自己的需要。
我地姐妹聚會揀左去上環的DK Cuppa Tea。上環站行幾分鐘就到，係西港城附近，都叫方便。望下門口已經心情好愉快，好似準備入花園一樣。
店舖入面面積唔算大，但睇到你目不暇給，
左邊有好多寫滿心願的蝴蝶，
右邊則展放左好多好多好多美美的飾物，香薰等等。
今次我地預先訂左afternoon tea「夢幻之願」，佢地所出的下午茶好特別，每隔一段時間就會轉換下午茶的主題，我地呢個聽講已經係第２２個主題了，真係好欣賞老闆娘的心思同無限創意！
「夢幻之願」下午茶，有我好姐妹最愛的tiffany blue，而好驚喜的是享用下午茶的地方都有精心佈置。店舖最入面有一間房仔，要脫鞋子坐到地上的。不過地上舖滿綠色草地，又有大量唔同造型的攬枕，有仙女，獨角獸頭飾俾你打扮下，仲有個放滿有關香薰的書櫃。牆上仲有wallpaper可以狂影打咭，簡直就好似置身係夢幻國度入面，少女心即刻返晒黎。
講返我地個「夢幻之願」，全部都係好精緻的食物，鹹點方面有鮑魚沙律，牛角包同英式豬肉腸卷。甜點方面就有伯爵茶杯子蛋糕、伯爵茶馬卡龍同埋蝶豆花玫瑰奶凍。
靚靚咁放係英女皇最愛的三層架度，旁邊放左音樂旋轉木馬，一路聽住美妙的音樂，一邊享受，真係好正！
而且仲有一壺有機覆盆子藍莓黑加侖茶，微酸口味都幾岩女仔飲。
食呢個Tea set仲會每人贈送一條香薰頸鏈 (價值 $88)，數量有限，當然就係先到先得啦！
呀～不可不提的是，因為此間係由香港香薰治療品牌DK Aromatherapy開設的，所以當然離不開的跟香薰有關元素。
而我地享用下午茶之前，就有店員黎同我地玩左個有關香薰的小遊戲。玩玩下遇到老闆娘Kat，佢好熱心咁話要同我地傾計同玩呢個小遊戲。我地即刻覺得賺晒，老闆娘Kat係好專業同出名既香薫治療師，有佢指點下我地，真係我地榮幸。
我地每個人都有一疊magic咭，每張都有唔同meaning同埋代表呢d心情嘅精油。
我抽到Stimulate。
Kat即刻揀返相應嘅精油”happy blend” 滴幾滴精油落香薰蒸氣機入面，等我邊聞住再諗下自己想有邊方面的突破，點先可以再豐富下自己的人生？！諗到的心願，可以寫係張蝴蝶願望紙上面，俾個希望自己，向目標進發，成就更美麗無悔的自己。
食完個Tea，見而家有個優惠，
就係可以加$150去學整一支屬於自己味道嘅30ml香水，一ｄ都唔難整，
而我就揀左我頭先抽中的”happy
blend”精油去整我的專屬香水，真係好有意義！
老闆娘仲介紹店裡面有獨家代理嘅花藥比我哋知，真係第一次聽，只要落四滴「Fascination」嘅花藥落嘢飲度飲左佢，每日四次，能量會慢慢注入你身體，幫助你變得更有魅力，真係好有趣！
同老闆娘傾得好投契，
無意中知道Kat好熱心於公益事務，
早排仲出左一本《開心法術》的慈善書。我都立即支持買左本！
呢本係一本帶有香味的慈善書，好得意嫁！仲有一本迷你書仔，可以俾小朋友睇！
一個愉快的下午就係好充實但放鬆的心情下過左，開心到我地完全唔記得要趕返屋企買餸煮飯，但其實真係有種唔捨得離開的感覺，呢度除左可以帶俾人歡樂同希望，仲有一種放鬆同釋放的感覺。所以我已經約定呀Kat，下次要參加佢既香薰興趣班同工作坊，佢仲好好人話，如果我地有一ｄ有興趣想知道ge野，都可以話佢知，佢好樂意同我地分享，真係充滿愛！
DK
Aromatherapy /DK Cuppa Tea上環新店
地址：香港上環新街市街19號地下（上環地鐵站B出口）
電話：2386 3588
營業時間：上午11:30 – 晚上8:30（每天）
近期聽到大家講【初戀水晶露】，
