2021年5月26日星期三
免疫力真係好重要@TELOGEN 瑞粒- 免疫力測試+ DEXLA™ IMMUNE BOOSTER
2021年5月16日星期日
新居裝修之入伙篇🤯GROHE 雨淋系統及濾水龍頭 用家分享
大家記唔記得丁丁媽之前都講過屋企發生的大事...就係搬新屋裝修...
亦都分享過屋企裝修最重要嘅兩個位置💕廚房🍴廁所🚽的小小心得。
傳送門👉🏻https://happytingsfamily.blogspot.com/2021/02/blog-post.html
不知不覺新居入伙已經兩個多星期啦,
丁丁媽想同大家詳細介紹精挑細選下所揀到衛浴產品,真心覺得自己好叻😆😆
返工咁辛苦,相信大家最享受就係收工沖個熱水涼個一刻。
用住GROHE Euphoria SmartControl 雨淋系統真係高級享受🥰
雨淋頭🚿面積超大,企係下面洗頭勁舒服😌
中間位就有個出水切換按鈕,擰一擰就可以調整出水的強弱大細。
而且成個頭頂花灑仲可以左右180度轉動🔄,唔用個時可以移去一旁。
1️⃣強力噴水的JET噴射:丁丁爸返工又辛苦又污糟,強力模式沖淨清潔產品殘留,最重要可以振奮精神
2️⃣SmartRain樂活雨淋:丁丁媽中意用佢舒緩放鬆
3️⃣Rain柔膚雨淋模式:寬幅及柔緻的出水模式就岩晒兩位公主👸🏻,呵護嬌嫩皮膚
丁丁媽係我既業主群組見到有鄰居係淘寶買左D雨淋系統,
點知裝完發現唔知點解D水出得好細,搞極都唔得。
最後聽完我分享,轉用GROHE,話質素真心爭好遠,早知一早買靚野喎!!
廚房水龍頭我同樣選擇用德國品牌,揀左GROHE Blue Pure廚房濾水龍頭。
有好多帶濾水功能既水龍頭都唔太user friendly,
一係要另外鑽孔,加裝獨立出水龍頭;
又或者係龍頭出水口外置濾水器,多左舊野好阻埞又唔美觀。
GROHE Blue Pure廚房濾水龍頭既濾芯就放置在洗手盤下,
簡單慳位,更換濾芯都好方便。
丁丁媽見一般配上3M AP2 405G濾芯套裝,
不過我地自己係外面配左其他濾水系統亦都用到,
可以按自己家庭需要揀返合適的濾水器。
濾水龍頭採用二合一管中管設計,好易用,
只要扭開左邊小開關就會出過濾水,而右邊就係冷熱自來水。
兩條內置獨立輸水管道不含任何金屬,保障食水安全。
大家要記住,廚房同浴室嘅產品真係要買啲 #靚野 #質量好 #有牌子 ‼️
千萬唔好貪平❌,買啲自己都唔識嘅牌子。
靚材料同好品質既產品不但可以用好耐(分分鐘用十幾廿年),
仲可以減低日後要維修的機會,真正 #貴買平用,咁先最精明~
比不論新入伙定係舊屋翻新裝修嘅你地參考下,
希望大家都可以順利入住靚屋,享受舒服淋浴,又可以飲到健康優質水~